DOST İnklüziv İnkişaf və Yaradıcılıq Mərkəzi

(+994)12 526 94 59

Ünvan (Bakı şəhəri,
Nəsimi rayonu, Cavadxan küçəsi, 13)

DOST İnklüziv İnkişaf və Yaradıcılıq Mərkəzi olaraq aşağıdakı xidmətləri təqdim edirik

Floristika, bağçılıq və landşaft dizayn

8 yaşdan yuxarı

Bu sahədə benefisarlara müxtəlif gül kompozisiyalarının, buketlərin, ikebanaların və terrariumların yığılması öyrədilir. Təlimlərdə yaşı 8-dən yuxarı olan şəxslər iştirak edə bilər. Autizm, daun sindromu olan uşaqların inkişafı üçün reabilitasiya qrupları təşkil olunur.

Rəqs

6 yaşdan yuxarı

Rəqs istiqamətində benefisiarlara milli, müasir, dünya xalqları, Latın Amerikası və bal rəqsləri öyrədilir. Təlimlərə 6 yaşdan yuxarı şəxslər qəbul edilir. Benefisiarların əksəriyyəti 18 yaşınadək əlilliyi müəyyən olunmuş şəxslərdir. Bu sahə autizm və daun sindromu olan şəxslərin fiziki aktivliyinin artırılması, təlim prosesində sosiallaşmasına dəstək olur.

Bədii oyma

10 yaşdan yuxarı

Bu sahədə benefisiarlara dekorativ-tətbiqi sənət növü olan bədii oyma sənətinin incəlikləri öyrədilir. Benefisiarlar ağacdan musiqi alətləri, milli mədəniyyət abidələri, heykəl və fiqurlu kompozisiyalar hazırlayırlar. 10 yaşdan yuxarı şəxslər təlimlərə cəlb oluna bilər. Benefisiarların əksəriyyəti yaşı 18 dən yuxarı olan əlilliyi olan şəxslərdir. Bədii oyma istiqaməti üzrə məzun olmuş bir sıra benefisiarlar İsmayıllı “DOST Evi” filialı və Qarabağ “DOST Evi” şöbəsində işlə təmin olunmuşdur.