Xidmət istiqamətləri

(+994)12 526 94 59

Ünvan (Bakı şəhəri,
Nəsimi rayonu, Cavadxan küçəsi, 13)

DOST İnklüziv İnkişaf və Yaradıcılıq Mərkəzi olaraq aşağıdakı xidmətləri təqdim edirik

Floristika, bağçılıq və landşaft dizayn

8 yaşdan yuxarı

Floristika, bağçılıq və landşaft dizaynı studiyasında təlim alan şəxslər müxtəlif gül kompozisiyalarının, buketlərin, ikebanaların və terrariumların yığılması vərdişlərinə yiyələnirlər. Təlimçilər tərəfindən benefisiarlara landşaft elementlərinin və bitkilərin xüsusi bağ dizaynına uyğunlaşdırılmasına dair bacarıqlar aşılanır. Bu studiyada eyni vaxtda 8 nəfər olmaqla, 2 qrupa təlim keçirilir.

Rəqs

6 yaşdan 34 yaşadək

Mərkəzin rəqs studiyasında peşəkar xoreoqraflar tərəfindən benefisiarlara milli, müasir, dünya xalqları, Latın Amerikası və bal rəqsləri öyrədilir. Burada eyni vaxtda 20 nəfərin məşq etməsinə şərait yaradılıb. Ustad dərsləri sayəsində cəmiyyətə qazandırılan benefisiarlardan ibarət peşəkar inklüziv rəqs kollektivinin təşkili nəzərdə tutulur.

Bədii oyma

10 yaşdan yuxarı

Studiyada dekorativ-tətbiqi sənət növü olan bədii oyma öyrədilir. Bu istiqamət üzrə təlim alan şəxslər ağacdan musiqi alətləri, milli mədəniyyət abidələri, heykəl və fiqurlu kompozisiyalar hazırlayırlar. Təlimlər hər qrupda 6 nəfər olmaqla, 2 növbədə keçirilir.