Xidmət istiqamətləri 4

(+994)12 526 94 59

Ünvan (Bakı şəhəri,
Nəsimi rayonu, Cavadxan küçəsi, 13)

İdman

6 yaşdan 34 yaşadək

Kapoeyra idman növü üzrə təlim alan şəxslərə qrup şəklində işləmək öyrədilir. Bu üsul onların sosiallaşmasına kömək edir. Musiqili idman növü olduğu üçün stressi azaldır, komanda ruhu və özünəinamı formalaşdırır. Burada eyni vaxtda 20 nəfərin məşq etməsi mümkündür.
Badmintonun insan orqanizminə müsbət təsiri barədə məlumatlar çoxdur. Bu idman növü sümükləri və əzələləri möhkəmləndirir, tənəffüs orqanlarının funksiyasını yaxşılaşdırır, ürək-damar xəstəliklərinin və şəkərli diabetin profilaktikasında əhəmiyyətli hesab olunur. Bundan əlavə, sağlam arıqlamağa faydalı təsir göstərir, immuniteti, sinir sistemini və yaddaşı gücləndirir. Kommunikasiya və koordinasiya bacarığını artırır, oyunçuda vəziyyətdən tez çıxış yolu tapmaq qabiliyyəti formalaşdırır, insanda xoş əhval-ruhiyyə yaradır.

Səhnə ifaçılığı, aktyor sənəti

Yaş məhdudiyyəti tətbiq edilmir

Bu təlim növü üzrə benefisiarlara teatr tamaşaları, konsert və performanslar, eləcə də incəsənət və inklüzivlik mövzularında ustad dərsləri keçirilir. Həmçinin seminarlar, səhnədə müxtəlif musiqili konsert proqramları, kino nümayişləri, kütləvi tədbirlərin təşkilində iştirak və antreprizlərin hazırlanması prosesi öyrədilir.

Təsviri incəsənət

6 yaşdan yuxarı

Təsviri incəsənət studiyasında təlim alan şəxslərə rəssamlıq sənətinin incəlikləri aşılanır. Təlimə cəlb edilən benefisiarlar kağız üzərində sulu (akvarel), yağlı və quru pastel boya ilə işləmək bacarığına sahiblənir, qrafiti və tuş vasitəsilə rəngkarlığın sirlərinə bələd olurlar. Onlar həmçinin şüşə üzərində vitraj boya, ipək üzərində batik üsulu ilə müxtəlif texnikalı boyama üsullarını mənimsəyirlər. Bu istiqamət üzrə hər qrupda 8 nəfər olmaqla, 2 növbədə təlimlər keçirilir.

Multidissiplinar fəaliyyət

Benefisiarlarla fəaliyyət planının aparılması beynəlxalq standartlara, CARe metodologiyasına əsaslanır. CARe (Reabilitasiyaya Kompleks yanaşma) bərpa və psixososial reabilitasiya prinsiplərinə istiqamətləndirilmiş modeldir. Niderlandlı alimlər Jean Pierre Wilken və Dirk den Hollander tərəfindən hazırlanan CARe metodologiyası 25 ildən çoxdur ki, 10-dan çox ölkədə minlərlə peşəkar tərəfindən uğurla tətbiq edilir. Mərkəzdə uşaq və böyüklər üçün iki multidissiplinar qrup formalaşdırılıb. Mərkəzə qəbul edilən şəxslərin ilkin olaraq sosial işçi tərəfindən qiymətləndirilməsi aparılır və bu barədə psixoloqa məlumat verilir.

Həmin şəxsin psixrometrik qiymətləndirilməsi aparıldıqdan sonra onun “case manager”i təyin edilir, sosial-psixoloji xidmət növü müəyyənləşdirilir, təlim alan hər bir şəxsə fərdi inkişaf planına uyğun sosial-psixoloji dəstək göstərilir. Mərkəzə qəbul edilən şəxslərə sosial-psixoloji dəstək göstərildikdən sonra onlar buradakı 14 yaradıcılıq istiqaməti üzrə təlimlərə yönəldilirlər. Prosesin sonrakı gedişatı və sonlandırılması benefisiarın və ya onun valideynlərinin məsuliyyətindən asılıdır.