Qəbul prosesi üç mərhələdə aparılır: I mərhələ - onlayn qeydiyyat, II mərhələ - müsahibə, III mərhələ - təlim mərhələsidir. Könüllülər inklüziv şəxslərə təlim prosesində köməklik göstərməklə yanaşı, Mərkəzin ictimai həyatında da fəaldırlar. Könüllülərdən gülərüzlülük, aktivlik, yüksək ünsiyyət qurmaq bacarığı, dəqiqlik, təzyiqədavamlılıq tələb olunur. Seçim zamanı sosial iş, psixologiya, məktəbəqədər təhsil, sosiologiya ixtisaslarında təhsil alan gənclərə üstünlük verilir. Onlar Mərkəzin multidissiplinar qrupunun təlimlərində iştirak edərək bu sahədəki bilik və təcrübələrini genişləndirirlər. Könüllülər göstərdikləri fəaliyyətin nəticəsinə uyğun olaraq sertifikat və diplomlarla təltif edilirlər.