Dekabrın 12-də Ulu Öndər Heydər Əliyevin Anım Günü ilə əlaqədar DOST İnklüziv İnkişaf və Yaradıcılıq Mərkəzində fotosərgi açılıb. Ekspozisiyada xalqımızın Ümummilli Lideri Heydər Əliyevin zəngin irsinin müxtəlif məqamlarını əks etdirən nadir fotolar nümayiş olunub. Mərkəzin benefisiarları və təlimçiləri, inklüziv könüllüləri sərginin ekspozisiyası ilə tanış olub, müdrik və görkəmli dövlət xadiminin həyatının maraqlı anlarını əks etdirən fotolara baxıblar.

Qeyd edək ki, 2023-cü ilin ölkəmizdə “Heydər Əliyev İli” elan edilməsi ilə əlaqədar Mərkəzin yaradıcılıq studiyalarında dahi şəxsiyyətin zəngin irsinə həsr olunmuş müxtəlif əl işləri hazırlanıb. Həmin işlər hazırda Mərkəzlə yanaşı, Bərdədə Qarabağ Regional DOST Mərkəzi və İsmayıllıda DOST İnklüziv İnkişaf və Yaradıcılıq Mərkəzinin “DOST EVİ” filialında nümayiş etdirilib.