Azərbaycan Dövlət Pedaqoji Universitetinin tələbələri üçün DOST İnklüziv İnkişaf və Yaradıcılıq Mərkəzinə  infotur təşkil edilib. Tələbələrə Mərkəzin fəaliyyəti və xidmət istiqamətləri, təlim prosesi ilə yaxından tanışlıq imkanı yaradılıb. Mərkəzin Sosial pedaqoji inkişaf və psixoloji dəstək departamentinin mütəxəssisləri tərəfindən həssas kateqoriyalardan olan şəxslərin yaradıcılıq qabiliyyətinin artırılması və sosial adaptasiyası sahəsində görülən işlər barədə məlumat verilib.  Multidisiplinar yanaşmaya əsaslanan fəaliyyət, Mərkəzin ümumi iş prinsipi və göstərilən sosial-psixoloji dəstək xidmətlərindən danışılıb.