Tacikistan Respublikası Hökuməti yanında Sosial Sığorta və Pensiyalar Agentliyinin direktoru Abduraxmon Xalimzodun rəhbərlik etdiyi nümayəndə heyəti Əmək və Əhalinin Sosial Müdafiəsi Nazirliyinin tabeliyindəki DOST İnklüziv İnkişaf və Yaradıcılıq Mərkəzi ilə tanış olub.

Mərkəzin rəhbəri Elnarə Ənsari qonaqları qurumun fəaliyyəti, həmçinin həssas qruplardan olan yaradıcı şəxslərin bacarıqlarının inkişaf etdirilməsi istiqamətində görülən işlər barədə məlumatlandırıb.

Qeyd olunub ki, Birinci vitse-prezident Mehriban Əliyevanın təşəbbüsü ilə yaradılan Mərkəz həmin şəxslərin istedadının üzə çıxarılması və cəmiyyətə tanıdılması sahəsində vacib platformaya çevrilib. Burada inklüzivliyin təşviqi, həssas qruplardan olan şəxslərin yaradıcılıq imkanlarının genişləndirilməsi üçün hər cür şərait yaradılıb.

Qeyd olunub ki, Birinci vitse-prezident Mehriban Əliyevanın təşəbbüsü ilə yaradılan Mərkəz həmin şəxslərin istedadının üzə çıxarılması və cəmiyyətə tanıdılması sahəsində vacib platformaya çevrilib. Burada inklüzivliyin təşviqi, həssas qruplardan olan şəxslərin yaradıcılıq imkanlarının genişləndirilməsi üçün hər cür şərait yaradılıb.

Abduraxmon Xalimzod Mərkəzlə bağlı təəssüratlarını xatirə kitabında qeyd edib.