DOST İnklüziv İnkişaf və Yaradıcılıq Mərkəzinin Qarabağ “DOST Evi” şöbəsinin müdiri Kamran Kamranlı şəhid Oruc Cəfərovun ailəsini ziyarət edib.

Ziyarət zamanı tarixi Zəfərimizə aparan yolda qəhrəman Vətən övladlarının cəsarəti və xidmətləri yada salınıb, şəhidlərimizin xatirəsinə və onların ailələrinə göstərilən diqqət və qayğı vurğulanıb.

Qeyd olunub ki, müharibənin ilk günlərindən döyüşlərə atılan Oruc Cəfərov şərəfli döyüş yolu keçib, Ağdərə rayonunun azadlığı uğrunda gedən döyüşlərdə Suqovuşanın azad olunmasında iştirak edərək, orada şəhidlik zirvəsinə ucalıb.

Azərbaycan Respublikasının Prezidenti İlham Əliyevin müvafiq Sərəncamları ilə Oruc Vaqif oğlu Cəfərov "Suqovuşanın azad olunmasına görə", “Vətən uğrunda” və "Cəsur döyüşçü" medalları ilə təltif edilib.

Görüş zamanı şəhidin ailəsinə Mərkəzin “DOST Evi” şöbəsinin fəaliyyəti, təlim istiqamətləri vəsosial-psixoloji dəstək proqramları haqqında məlumat verilib.