“Konstitusiya və Suverenlik İli” çərçivəsində DOST İnklüziv İnkişaf və Yaradıcılıq Mərkəzinin "DOST Evi" filialının benefisiar və əməkdaşları üçün Qəbələ rayon Heydər Əliyev Mərkəzinə maarifləndirici infotur təşkil olunub.

İnfoturun məqsədi iştirakçıların Azərbaycan dövlətçiliyinin inkişaf mərhələləri və konstitusiya quruculuğu prosesi ilə daha yaxından tanış olmalarına imkan yaratmaq, eləcə də Ümummilli Lider Heydər Əliyevin zəngin irsini təbliğ etməkdir. İnfotur zamanı iştirakçılar Heydər Əliyev Mərkəzində yerləşən və Ulu Öndərin həyat və fəaliyyətini əks etdirən ekspozisiya ilə tanış olublar. Ekspozisiyada Ümummilli Liderin dövlətçilik sahəsində göstərdiyi tarixi xidmətlər, siyasi fəaliyyəti, xalqın rifahı və sosial ədalət naminə atdığı mühüm addımlar, eləcə də onun Azərbaycan Konstitusiyasının formalaşmasında müstəsna rolu barədə geniş məlumatlar yer alıb.

Tədbir çərçivəsində həmçinin Heydər Əliyevin həyatı və dövlətçilik fəaliyyətini əhatə edən sənədli film nümayiş olunub. Film vasitəsilə iştirakçılar Ulu Öndərin vətənə, dövlətə və xalqa xidmət yolunu daha dolğun şəkildə izləmək imkanı əldə ediblər.