DOST İnklüziv İnkişaf və Yaradıcılıq Mərkəzinin Qarabağ “DOST Evi” şöbəsində təlimlərə cəlb olunan benefisiarların Qarabağ Atçılıq Kompleksinə məlumatlandırma turu təşkil edilib.
 

Məlumatlandırma turuna “Könüllü DOST” proqramı üzrə Qarabağ Regional DOST Mərkəzində fəaliyyət göstərən könüllülər də qoşulublar.
 

Tur iştirakçıları Kənd Təsərrüfatı Nazirliyinin Heyvandarlıq Elmi-Tədqiqat İnstitutunun tabeliyindəki kompleksdə atçılığın inkişafına dair maraqlı məlumatlar və Azərbaycanın milli sərvəti olan Qarabağ atları iə tanış olublar.
 

Tanışlıq çərçivəsində açıq havada təsviri incəsənət üzrə master-klas da keçirilib. Benefisiarlar təlimçi İbrahim Eyyublunun köməkliyi ilə şəxsi müşahidələri əsasında atların təsvirlərini kətan üzərinə köçürüblər.
 

Qeyd edək ki, sosial bacarıqların və koordinasiyanın inkişaf etdirilməsi, ünsiyyət bacarıqlarının yaxşılaşdırılmasında atlar müalicəvi xüsusiyyətə malikdir.

Məlumatlandırma turunun təşkili həssas qruplardan olan şəxslərin sosial mühitə adaptasiyasını gücləndirmək, emosional və zehni sağlamlığının yaxşılaşdırılması məqsədi daşıyır.