DOST İnklüziv İnkişaf və Yaradıcılıq Mərkəzinin Qarabağ "DOST Evi" şöbəsində Bərdə regional "ASAN xidmət" mərkəzi ilə birgə Zəfər Gününə həsr olunmuş konsert proqramı təşkil olunub.

Tədbirə Bərdə Rayon İcra Hakimiyyəti, Dövlət İmtahan Mərkəzinin Bərdə Regional Bölməsi, Ailə, Qadın və Uşaq Problemləri üzrə Dövlət Komitəsinin tabeliyində olan Ağdam Uşaq və Ailələrə Dəstək Mərkəzi, Qarabağ Müharibəsi Əlilləri, Veteranları və Şəhid Ailələri İctimai Birliyinin Bərdə filialının nümayəndələri, Vətən müharibəsi iştirakçıları qatılıblar.

Tədbir çərçivəsində Bərdə regional "ASAN xidmət" mərkəzi, həmçinin "YAŞAT" Fondunun nümayəndələri, şəhid ailələrinin üzvləri şöbənin fəaliyyətilə tanış olub, şəhid övladları üçün müxtəlif yaradıcılıq istiqamətləri üzrə master-klas keçirilib.

Konsertdə Bərdə şəhər 1 nömrəli Uşaq İncəsənət məktəbinin musiqiçiləri, Qarabağ Universitetinin və Ağdam Musiqi Kollecinin tələbələri, "DOST Evi"nin təlimçi və benefisiarları çıxış ediblər.