DOST İnkluziv İnkişaf və Yaradıcılıq Mərkəzinin Qarabağ "DOST Evi" şöbəsində 27 fevral - Ümumdünya QHT Günü ilə əlaqədar regionda fəaliyyət göstərən qeyri-hökumət təşkilatlarının 20 nəfərdən çox təmsilçisilə görüş təşkil edilib.

Görüşdə vətəndaş cəmiyyəti institutları ilə əlaqələri gücləndirmək, inklüziv cəmiyyətin inkişafına töhfə vermək məqsədilə birgə təşəbbüslər müzakirə olunub və əməkdaşlıq perspektivləri dəyərləndirilib.

Qonaqlara Mərkəz və filiallarında göstərilən xidmətlər, o cümlədən müxtəlif təlimlər və sosial-psixoloji dəstək barədə təqdimat edilib. Görüş çərçivəsində QHT nümayəndələrinin təklifləri dinlənilib, onları maraqlandıran suallar cavablandırılıb.

Qeyd edək ki, "Ümumdünya QHT Günü" 2014-cü ildən etibarən dünyanın 89 ölkəsində fəaliyyət göstərən QHT və bu sektorda çalışan 50 milyondan çox insanı bir araya gətirir. Məqsəd cəmiyyətin sosial rifahının yüksəldilməsində QHT-lərin rolunu gündəmə gətirərək, həssas qrupların sosial adaptasiyası və yaradıcılıq potensialının reallaşdırılması prosesinə töhfə verməkdir.