DOST İnklüziv İnkişaf və Yaradıcılıq Mərkəzinin Qarabağ “DOST Evi” şöbəsində yeni layihə həyata keçirilib. “Rəqs Həftəsi” layihəsi çərçivəsində şöbədə təlim alan benefisiarlar üçün rəqs sənətinin incəliklərinə həsr olunmuş master-klas təşkil edilib. Bərdə şəhər 1 nömrəli Uşaq İncəsənət Məktəbinin rəqs müəllimi Bağdagül Teymurova bu sahədə təcrübəsini həssas qruplardan olan uşaq və yeniyetmələrlə bölüşüb.

Eyni zamanda məktəbin uşaq rəqs qrupunun üzvlərinin ifasında rəngarəng rəqs nömrələri təqdim olunub.

Layihənin davamlı təşkili nəzərdə tutulur.

Məqsəd milli mədəni irsimizin zəngin nümunələri ilə benefisiarları tanış etmək, onların bacarıqlarını aşkarlayaraq rəqs sənətinə maraqlarını artırmaqdır.