DOST İnklüziv İnkişaf və Yaradıcılıq Mərkəzinin Qarabağ "DOST Evi" şöbəsində "Açıq qapı" günü keçirilib. İnsan Hüquqları Günü ilə əlaqədar təşkil olunan tədbirdə həssas əhali qruplarından olan uşaqlar, onların valideynləri və ya qəyyumları iştirak ediblər.

Tədbir iştirakçılarına Qarabağ "DOST Evi"nin xidmət kateqoriyaları və istiqamətləri, qəbul qaydaları barədə məlumat verilib.

Tədbir çərçivəsində şöbənin fəaliyyəti ilə bağlı məlumatlılığın artırılması məqsədilə uşaqlar üçün maraqlı təlim və master-klaslar təşkil olunub.