DOST İnklüziv İnkişaf və Yaradıcılıq Mərkəzinin Qarabağ “DOST Evi” şöbəsinin 9 benefisiarı Bərdə STEAM Mərkəzinin “Yay məktəbi” proqramına qoşulub.

Bərdə STEAM Mərkəzində keçirilən proqram çərçivəsində iştirakçılar üçün texnologiya, mühəndislik və incəsənət sahələri üzrə interaktiv və praktiki təlimlər təşkil edilib.

İlk təlimlərdə benefisiarlara “Elektrik mühəndisliyi” mövzusunda nəzəri və praktiki biliklər təqdim olunub. Uşaqlar müxtəlif sadə elektrik dövrələri quraraq mövzunu təcrübə əsasında mənimsəyiblər.

Təlimlərin əsas məqsədi həssas kateqoriyalardan olan şəxslərin müasir dövrün tələblərinə uyğun şəkildə texnologiya və mühəndislik sahələrində inkişaf imkanları barədə məlumatlandırılmasıdır.