DOST İnklüziv İnkişaf və Yaradıcılıq Mərkəzinin Qarabağ Regional DOST Mərkəzində yerləşən Qarabağ "DOST Evi" şöbəsində təlimlərə start verilib. Hazırda filialda müxtəlif kateqoriyalara aid 16 benefisiar təlimlərə cəlb edilib. Onlar Bədii oyma, Kulinariya və Dərzilik istiqamətləri üzrə bilik və bacarıqlarını inkişaf etdirirlər. 

Qeyd edək ki, DOST İnklüziv İnkişaf və Yaradıcılıq Mərkəzində təlimləri uğurla başa vuran benefisiarları – Gülnarə Abbasova, Aybəniz İsaqova
və Rüfət Əliyev Qarabağ "DOST Evi" şöbəsində təlimçi kimi fəaliyyətlərini davam etdirirlər. Filiala Bərdə, Ağdam şəhəri, Tərtər rayonu və ətraf kəndlərdən 5 həssas kateqoriyadan olan istedadlı şəxslərin qəbulu aparılır. Bu kateqoriyalara şəhid ailələlərinin üzvləri, müharibə ilə əlaqədar əlilliyi müəyyən edilmiş şəxslər və onların övladları, valideynlərini itirmiş və valideyn himayəsindən məhrum olmuş uşaqlar, aztəminatlı ailələrin üzvləri və əlilliyi olan şəxslər
daxildir. Qəbul üçün "DOST" mərkəzlərinə və Sosial Xidmətlər Agentliyinin yerli qurumlarına müraciət edərək qeydiyyatdan keçə bilərsiniz.