Qarabağ “DOST Evi” şöbəsində Dünya Autizm Məlumatlandırma Günü ilə əlaqədar "Birlikdə Rənglənən Dünyamız" adlı tədbir təşkil olunub.

Əvvəlcə Bərdə şəhərindəki Qarabağ Regional DOST Mərkəzində fəaliyyət göstərən “RehaPoint” – Reabilitasiya Məntəqəsinin psixoloqu Nəsimi Qiyasov autizm spektr pozuntusu olan uşaqlar və onların valideynləri ilə maarifləndirici söhbətlər aparıb. Bu mövzuda görüş iştirakçılarına yanaşma, davranış metodları, ünsiyyət və digər məqamlarla bağlı məlumatlar verib.

Sonra Qarabağ “DOST Evi” şöbəsinin benefisiarları Qarabağ Regional DOST Mərkəzində fəaliyyətə cəlb olunmuş könüllülərlə birlikdə həyətyanı ərazidə güllər əkərək, cəmiyyətə ümid və xeyirxahlıq mesajı veriblər.