Qarabağ "DOST Evi"nin ənənəvi "Musiqi həftəsi" bu dəfə konsert formatında təşkil olunub. Layihə iştirakçıları açıq havada muğam sənətinin incəliklərini və ifaçılıq vərdişlərini bölüşüblər.

Fazil Əzimov adına İsmayıllı rayon Uşaq İncəsənət məktəbinin direktoru, bir çox muğam festivallarının laureatı, xanəndə Teymur Əziz layihənin musiqili qonağı olub. İfaçıları tarda Bərdə şəhər 1 saylı Uşaq İncəsənət Məktəbinin müəllimi İdris Əsgərov, kamançada isə 4 saylı Uşaq İncəsənət Məktəbinin müəllimi Nuranə Quliyeva müşayiət ediblər.

Uşaq İncəsənət Məktəblərinin şagirdləri ilə yanaşı, şöbədə təlim alan istedadlı benefisiarlar "Musiqi həftəsi"ndə öz xanəndəlik bacarıqları və səs imkanlarını göstəriblər.