DOST İnklüziv İnkişaf və Yaradıcılıq Mərkəzinin “DOST Evi” filialında keçirilən “Novruz - təbiət nəğməsi” adlı tədbirin məqsədi bayram ənənələrinin yaşadılması və gənc nəslə ötürülməsidir. Tədbirdə Dövlət Məşğulluq Agentliyinin Dağlıq Şirvan Regional Məşğulluq, Sosial XidmətlərAgentliyinin Dağlıq Şirvan Regional filialları, 2 saylı psixonevroloji sosial xidmət müəssisəsi, Dağlıq Şirvan Regional Mədəniyyət İdarəsi, “Basqal” Dövlət Tarix-Mədəniyyət Qoruğunun nümayəndələri iştirak ediblər. Tədbir çərçivəsində qonaqlar filialın təlimçiləri və benefisiarlarının əl işləri, milli adət-ənələrimizi tərənnüm edən bədii yaradıcılıq nümunələri ilə tanış olub, təlim prosesini izləyiblər. Bayramın adət-ənənələrini əks etdirən səhnəciklər, rəqs, mahnı və şeirlər təqdim olunub. Proqramda Dağlıq Şirvan Regional Mədəniyyət İdarəsinin F.Əzimov adına İsmayıllı rayonu Uşaq İncəsənət Məktəbinin ansamblının üzvləri də çıxış ediblər.