DOST İnklüziv İnkişaf vəYaradıcılıq Mərkəzində həyata keçirilən “Kino DOST” layihəsi çərçivəsində benefisiarlar bu dəfə iki qısa, amma güclü mesajlarla zəngin “Hədiyyə” (ThePresent) və “Pip” filmlərini izləyiblər. 
 

Təqdimat “İnklüziv DOST” könüllülərinin təşəbbüsü və iştirakı ilə baş tutub. Filmlər benefisiarlara empati, daxili güc, inam və qətiyyət kimi dəyərləri sadə dillə, lakin dərin təsirlə çatdırmağı bacarıb.
 

Filmlərin nümayişindən sonra Mərkəzin mütəxəssisləri və könüllülərlə birgə keçirilən müzakirələrdə benefisiarlar obrazları, hadisələri, hissləri analiz edərək fərqli baxış bucaqları ilə tanış olublar.  
 

Bu çərçivədə “Duyğuları tanımaq, düşüncə və davranışları analiz etmək” mövzusunda qrup terapiyası da təşkil olunub.