DOST İnklüziv İnkişaf və Yaradıcılıq Mərkəzinin Azərbaycan Kapoeyra Federasiyası ilə birgə reallaşdırdığı “Kapoeyra ilə ümid yarat!” layihəsi çərçivəsində növbəti təlim Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin 3 saylı Uşaq evi sosial xidmət müəssisəsində keçirilib.
 

Müəssisə sakinləri kapoeyra idman növü haqqında məlumatlandırılıb və slayd nümayiş etdirilib.

Mərkəzin Kapoeyra istiqaməti üzrə təlimçiləri Asya Atayeva və Elsevər Heydərov döyüş sənəti ilə yanaşı, rəqs, musiqi, eləcə də akrobatika elementlərini birləşdirən idman növünün maraqlı xüsusiyyətləri barədə danışıb, müxtəlif kapoeyra hərəkətlərini icra ediblər. Təlimin məqsədi uşaq və yeniyetmələrdə kapoeyra haqqında təsəvvür yaradaraq, onlarda bu sahəyə maraq formalaşdırmaqdır.