Peşə Təhsili üzrə Dövlət Agentliyinin tabeliyindəki İsmayıllı Dövlət Peşə Təhsili Mərkəzinin tələbələrinin “Xoş gəldin, DOST” layihəsi çərçivəsində DOST İnklüziv İnkişaf və Yaradıcılıq Mərkəzinin İsmayıllı “DOST Evi” filialına infoturu təşkil olunub.

Tələbələr filialın benefisiarları ilə birgə Dulusçuluq və Bədii oyma istiqamətləri üzrə master-klaslarda iştirak edərək yaradıcılıq prosesini yaxından izləyiblər.

Qonaqlara məlumat verilib ki, 2 illik fəaliyyəti ərzində “DOST Evi” bölgədə yaşayan həssas qrupların yaradıcılıq bacarıqlarının dəstəklənməsi  istiqamətində mühüm mərkəzə çevrilib. Bu müddətdə filialda 50-yə yaxın tədbir keçirilib və 350-dən çox əl işi hazırlanaraq sərgilərdə nümayiş olunub.