DOST İnklüziv İnkişaf və Yaradıcılıq Mərkəzinin İsmayıllı DOST Evi filialında Brayl əlifbası ilə çap edilmiş Azərbaycan və dünya ədəbiyyatı nümunələrinin təqdimatı keçirilib.

Təqdimatda Azərbaycan Yazıçılar Birliyinin Gənclər Şurasının sədri Fərid Hüseyn, yazıçı-şair Aqşin Yenisey, Qismət Rüstəmov, Ömər Xəyyam və Səxavət Sahil iştirak ediblər.

Qonaqlara İsmayıllı DOST Evi filialının əsas fəaliyyət istiqamətləri, həyata keçirilən layihələr, təqdim olunan xidmətlər və gələcək perspektivlər barədə ətraflı məlumat verilib. Tədbir iştirakçıları filialın fəaliyyəti ilə yaxından tanış olublar.

Qonaqlar tərəfindən Brayl əlifbası ilə hazırlanmış 19 adda 70 müxtəlif bədii ədəbiyyat nümunəsi filialda yaradılmış kitab guşəsinə hədiyyə edilib.

“BP” şirkəti və Azərbaycan Dövlət Nəşriyyatının birgə həyata keçirdiyi bu təşəbbüs inklüziv mühitin formalaşdırılması, eləcə də əlçatan mədəniyyətin inkişafına mühüm töhfə kimi dəyərləndirilib.

Tədbir çərçivəsində filialın benefisiarlarının və Dağlıq Şirvan Regional Mədəniyyət İdarəsinin musiqiçilərinin təqdimatında şeir və musiqi nümunələri səsləndirilib.