“Memarlıq və Şəhərsalma İli”lə əlaqədar DOST İnklüziv İnkişaf və Yaradıcılıq Mərkəzinin İsmayıllı “DOST Evi” filialının təlimçi və benefisiarları üçün Şəkiyə infotur təşkil edilib. 

“Abidələrimizi tanıyaq” layihəsinin davamı olaraq  bu çərçivədə Şəki şəhər İcra Hakimiyyəti və “Yuxarı Baş” Milli Tarix Memarlıq Qoruğunun birgə təşkilatçılığı ilə “İnklüziv irs günü” keçirilib.

İnfotur iştirakçıları Şəki Xan Sarayı, Karvansaray Kompleksi və şəhərin digər qədim abidələrini ziyarət edərək, onların tarixi və memarlıq xüsusiyyətləri, eləcə də mədəni əhəmiyyəti haqqında məlumatlandırılıblar.  Regionun zəngin sənətkarlıq ənənələrinin aşılanması məqsədilə yerli sənətkarların iştirakı ilə benefisiarlar üçün ənənəvi keramika, şəbəkə və xovlu tikmə sənəti üzrə master-klaslar təşkil olunub.

Ekskursiya iştirakçıları həmin sənət növlərinin hazırlanma texnikası ilə tanış olub, praktiki məlumatlara yiyələniblər.