DOST İnklüziv İnkişaf və Yaradıcılıq Mərkəzində fəaliyyətlərini uğurla başa vuran 23 nəfər  “İnklüziv DOST” könüllüsü qrup layihələrini təqdim ediblər.
 

Könüllülər həssas əhali qrupları ilə işləmə təcrübələrinə əsaslanaraq üç müxtəlif mövzu üzrə – “Köməkçi DOST”, “İnklüziv muzey” və “İz qoyanlar” adlı təqdimatlarla çıxış ediblər. 
 

Layihələrin əsas məqsədi həssas əhali qruplarından olan şəxslərin rəqəmsal texnologiyalara əlçatanlığının artırılması və onların cəmiyyətə uğurlu inteqrasiyasına dəstək göstərməkdir.Təqdim olunan layihələr xüsusi meyarlar əsasında qiymətləndirilib.
 

Qeyd edək ki, “İnklüziv DOST” proqramı “Könüllü DOST”un altproqramlarından biridir. İndiyədək 500 nəfərdən çox gənc DOST İnklüziv İnkişaf və Yaradıcılıq Mərkəzində könüllü fəaliyyətinə cəlb olunub və bu sahədə təcrübə əldə edib. 
 

“İnklüziv DOST” altproqramına qoşulmaq istəyən gənclər aşağıdakı link vasitəsilə qeydiyyatdan keçə bilərlər:
 

https://www.instagram.com/konullu.dost?utm_source=ig_web_button_share_sheet&igsh=ZDNlZDc0MzIxNw==