DOST İnklüziv İnkişaf və Yaradıcılıq Mərkəzində “Kino DOST” layihəsinə başlanılıb. “İnklüziv DOST” könüllülərinin təşəbbüsü ilə keçirilən layihə çərçivəsində təlimçi və benefisiarların iştirakı ilə sosial, psixoloji mövzularda filmlərin nümayişi və müzakirəsinin təşkili nəzərdə tutulur.

İlkin olaraq benefisiarlar Sosial pedaqoji inkişaf və psixoloji dəstək departamentinin əməkdaşları, eləcə də könüllülərin iştirakı ilə iki animasiya filmini izləyiblər. “Sahil cüllütü” (“Piper”) və “Yan: Təsirlihekayə” (“Ian: A moving story”) filmləri cəmiyyətdə sosial bərabərlik və inklüzivliklə bağlı maraqlı məqamları ekrana gətirib.

Müntəzəm təşkil olunacaq layihənin məqsədi həssas qruplara aid şəxslərin diqqətini bu məqamlara çəkməklə yanaşı, onların ünsiyyət və özünüifadə bacarıqları, müzakirə qabiliyyətlərinin inkişaf etdirilməsinə dəstək olmaqdır.