Əmək və Əhalinin Sosial Müdafiəsi Nazirliyinin tabeliyindəki DOST İnklüziv İnkişaf və Yaradıcılıq Mərkəzinin bir qrup benefisiarı Bakı Dövlət Sirkinin yeni payız proqramını - “Möcüzələr şəhəri” adlı beynəlxalq su sirk şousunu izləyib. Layihə çərçivəsində proqramın nümayişinə həssas kateqoriyalardan olan 20 nəfərədək uşaq və yeniyetmə cəlb olunub. Onları Mərkəzin əməkdaşları ilə yanaşı, İnklüziv DOST könüllüləri müşayiət edib.

Sirk arenasında tamaşaçılara 100 ton su ilə əhatə olunmuş 600 fəvvarənin simfoniyasının müşayiəti ilə ilk dəfə təqdim olunan nömrələr benefisiarlarımız tərəfindən maraqla qarşılanıb.