Əmək və Əhalinin Sosial Müdafiəsi Nazirliyinin tabeliyindəki DOST İnklüziv İnkişaf və Yaradıcılıq Mərkəzinin benefisiarları və könüllü gənclər üçün Milli Azərbaycan Tarixi Muzeyinə infotur təşkil edilib.

İnfotur çərçivəsində iştirakçılara Muzeyin Vətən müharibəsi fondunda saxlanılan zəngin eksponatlar barədə məlumat verilib. Burada I və II Qarabağ müharibəsində qəhrəmancasına həlak olmuş şəhid zabit və əsgərlərimizə, habelə müharibə iştirakçılarına məxsus şəxsi və xatirə əşyaları nümayiş etdirilib.

Ziyarətçilər nümayiş olunan eksponatlar vasitəsilə müasir tariximizin mühüm məqamları və zəfər yolu haqqında ətraflı məlumat əldə ediblər.