"Yaşıl dünya naminə həmrəylik ili" çərçivəsində Əmək və Əhalinin Sosial Müdafiəsi Nazirliyinin tabeliyindəki DOST İnklüziv İnkişaf və Yaradıcılıq Mərkəzinin “DOST EVİ” filialında ağacəkmə aksiyası təşkil olunub.

Ekologiya və Təbii Sərvətlər Nazirliyinin dəstəyi ilə həyata keçirilən aksiyada Mərkəzin rəhbər heyəti, "DOST EVİ" filialının əməkdaşları, təlimçi və benefisiarları iştirak ediblər.

Filialın həyətyanı ərazisində iqlim şəraitinə uyğun 30 eldar şamı və sərv ağacı əkilib. Yeni əkilən tinglər suvarılıb və benefisiarlara ətraf mühitə qayğının vacibliyi, ekoloji vəziyyətin yaxşılaşdırılması üçün yaşıllığın qorunmasının əhəmiyyəti barədə bilgi aşılanıb.