8 Noyabr - Zəfər Günü ilə əlaqədar Əmək və Əhalinin Sosial Müdafiəsi Nazirliyinin tabeliyindəki DOST İnklüziv İnkişaf və Yaradıcılıq Mərkəzində ağacəkmə aksiyası keçirilib. Ekologiya və Təbii Sərvətlər Nazirliyinin dəstəyi ilə həyata keçirilən növbəti aksiyada Mərkəzin əməkdaşları, təlimçi və benefisiarları, “İnklüziv DOST” könüllüləri iştirak ediblər. Aksiya çərçivəsində Mərkəzin həyətyanı sahəsində iqlim şəraitinə uyğun 44 sərv ağacı əkilərək suvarılıb və mühafizəsi üçün tədbirlər görülüb. Tədbirin təşkilində məqsəd həssas qruplardan olan şəxslərin ekoloji maarifləndirilməsi, ətraf mühitin qorunmasına töhfə verməkdir.