DOST İnklüziv İnkişaf və Yaradıcılıq Mərkəzinin direktoru Nigar Məmmədova tarixi Zəfərimizlə yekunlaşan  44 günlük Vətən müharibəsində şəhidlik zirvəsinə ucalan İsrəfilov Anar İsrəfil oğlunun ailəsini ziyarət edib.

Ağdərə istiqamətində gedən döyüşlərdə qəhrəmancasına şəhid olan Anar İsrəfilov Prezident İlham Əliyevin Sərəncamları ilə "Vətən uğrunda", "Cəsur döyüşçü", "Cəbrayılın azad olunmasına görə" və "Füzulinin azad olunmasına görə" medalları ilə təltif edilib.

Görüşdə şəhidin həyat və döyüş yolundan bəhs edilib, şəhidlərimizin xatirəsinin daima əziz tutulduğu qeyd olunub.

Şəhidimizin  ailəsi sosial dəstək tədbirləri ilə əhatə olunub və sosial ödənişlər təyin olunub. Şəhid Anar İsrəfilovun ailəsi 2022-ci ildə Əmək və Əhalinin Sosial Müdafiəsi Nazirliyi tərəfindən iki otaqlı mənzillə təmin olunub, ailə üzvünün məşğulluğuna dəstək göstərilib.

Görüşdə DOST İnklüziv İnkişaf və Yaradıcılıq Mərkəzinin fəaliyyəti və xidmət istiqamətləri ilə bağlı məlumat verilib. Şəhidin ailə üzvlərinin Mərkəzdəki fəaliyyət istiqamətləri üzrə təlimlərə cəlb olunması barədə təkliflər səsləndirilib.

Allah bütün şəhidlərimizə rəhmət eləsin!