“Yaşıl dünya naminə həmrəylik ili” çərçivəsində Əmək və Əhalinin Sosial Müdafiəsi Nazirliyinin tabeliyində olan DOST İnklüziv İnkişaf və Yaradıcılıq Mərkəzinin bir qrup benefisiarı üçün Bakı Zooloji Parkına ekskursiya təşkil edilib. Mərkəzdə təlim alan həssas kateqoriyalara aid şəxslər burada qorunan müxtəlif canlılar, o cümlədən “Qırmızı kitab”a düşən nadir heyvan növlər ilə tanış olublar. Eksursiya iştirakçıları Parkın fauna və florası, canlı aləmi və saxlanılması ilə bağlı məlumatlandırılıb, uşaq meydançasında əyləncəli vaxt keçiriblər. Benefisiarları Mərkəzin əməkdaşları, o cümlədən Sosial pedaqoji inkişaf və psixoloji dəstək departamentinin nümayəndələri, “İnklüziv DOST” könüllüləri müşayiət ediblər. Qeyd edək ki, həssas qruplardan olan şəxslərin dünyagörüşünün artırılması məqsədi ilə keçirilən ekskursiyaların təşkilində məqsəd uşaq və yeniyetmələrdə ətraf mühitə, canlı aləmə sevgi və diqqətin artırılmasıdır.