Əmək və Əhalinin Sosial Müdafiəsi Nazirliyinin tabeliyindəki DOST İnklüziv İnkişaf və Yaradıcılıq Mərkəzinin bir qrup benefisiarının Hərbi Qənimətlər Parkına ziyarəti təşkil olunub.

Ekskursiya qrupuna həssas əhali qruplarına aid 20 nəfərədək benefisiar, onları müşayiət edən könüllülər cəlb olunub.

Ziyarətçilər tarixi Zəfərimizlə başa çatan 44 günlük Vətən müharibəsi zamanı düşməndən qənimət götürülən və ya məhv edilən müxtəlif hərbi texnikalar, artilleriya qurğuları, zenit-raket kompleksləri və digər eksponatları qürurla izləyiblər.

Qeyd edək ki, benefisiarların dünyagörüşü və biliklərinin artırılması məqsədi ilə  DOST İnklüziv İnkişaf və Yaradıcılıq Mərkəzi tərəfindən onların tarixi məkanlara, muzey və qalereyalara mütəmadi ekskursiyaları təşkil olunur.