Əmək və Əhalinin Sosial Müdafiəsi nazirliyinin tabeliyində olan DOST İnklüziv İnkişaf vəYaradıcılıq Mərkəzində tibb elmləri üzrə fəlsəfə doktoru, uşaq və yeniyetmə psixiatrı İkram Rüstəmov "Uşaqların psixososial inkişafı" mövzusunda təlim keçib. Təlimə Mərkəzin Sosial pedaqoji inkişaf və psixoloji dəstək departamentinin əməkdaşları, “İnklüziv DOST” altproqramı üzrə fəaliyyət göstərən gənclər və təcrübəçilər cəlb olunublar. Qonaq uşaq və yeniyetmələrin həmin mərhələlərdə qarşılaşdıqları inkişaf pozuntuları, patoloji hallar barədə danışıb. Mərkəzin direktoru vəzifəsiniicra edən Elnarə Ənsari yaradıcılıq istiqamətləri üzrə təlimlərlə yanaşı, sosial-psixoloji, pedaqoji dəstək xidmətləri ilə bağlı məlumat verib. Təlimin məqsədi Mərkəzdə xidmət göstərilən benefisiarların şəxsiyyətlərinin inkişaf xüsusiyyətlərini, ayrı-ayrı yaş dövrlərinin mərhələlərini, psixi inkişafın dinamikasını öyrənməkdən ibarətdir.İnteraktiv formada keçirilən təlimdə  psixososial şərait və amillərin, həmçinin təlim-tərbiyə prosesinin psixi inkişafa təsiri barədə nəzəri və praktiki biliklərə yer verilib. 

Qeyd edək ki, Dr. İkram Rüstəmov 2003-2009-cu illərdə Türkiyənin İstanbul Üniversiteti Cerrah paşa Tibb fakültəsində təhsil alaraq, eyni universitetdə uşaq psixiatriyası üzrə uzmanlıq keçib. Autizm və Neyroinkişaf Pozuntuları Konqresinin təşkilat komitəsinin sədri, bir sıra yerli və beynəlxalq məqalələrin, habelə elmi əsərlərin müəllifidir.