DOST İnklüziv İnkişaf və Yaradıcılıq Mərkəzində Ümumdünya Autizm Maarifləndirmə Həftəsi çərçivəsində fləşmob keçirilib. Mərkəzin benefisiarları və valideynlərinin cəlb olunduğu layihənin məqsədi sosial adaptasiyasının və emosional bağlarının gücləndirilməsinə dəstək verməkdir. 

Dünya Autizm Məlumatlandırma Günü ilə əlaqədar Mərkəzdə istehsalat təcrübəsinə cəlb olunmuş tələbələr üçün maarifləndirici təlimlər də təşkil olunub. Təlimlərdə autizm spektr pozuntusunun əlamətləri, diaqnostikası, autizm sindromlu şəxslərin xüsusiyyətləri, onlarla ünsiyyət formaları haqqında məlumat verilib.

Sosial pedaqoji inkişaf və psixoloji dəstək departamentinin əməkdaşları tərəfindən autizmin yaranma səbəbləri, yeni yanaşmalar, belə xüsusiyyətə malik şəxslərin həyat keyfiyyətinin artırılması üçün atılmalı olan addımlar, Mərkəzdə bu istiqamətdə aparılan işlər barədə təqdimatlar edilib.