Bakı Kulinariya Assosiasiyasının təşkilatçılığı paytaxtda keçirilən “Pastry & Bakery Chefs Baku Cup 2025” - qənnadı və çörəkçilik üzrə ilk beynəlxalq çempionatın yerli və beynəlxalq iştirakçıları DOST İnklüziv İnkişaf və Yaradıcılıq Mərkəzi ilə tanış olublar.

Mərkəzin direktor müavini Elbrus Allahverdiyev qonaqları Mərkəzin fəaliyyət istiqamətləri barədə məlumatlandıraraq, həssas əhali qruplarından olan şəxslərin sosial inteqrasiyası istiqamətində görülən işləri təqdim edib.

Türkiyə, Pakistan, Qətər, Birləşmiş Ərəb Əmirlikləri və İrandan dəvət olunmuş peşəkar kulinarlar təlimlərdə iştirak edən benefisiarların fəaliyyətini izləyib, onların əl işlərinə baxış keçiriblər.

Sonda Kulinariya istiqaməti üzrə təlim alan benefisiarların iştirakı ilə master-klas təşkil olunub. Türkiyənin tanınmış kulinarı Süleyman Kursak benefisiarlara türk mətbəxinin sevilən nümunələrindən olan “yen börək”in hazırlanma qaydasını nümayiş etdirib.

Prosesdə digər kulinarlar da fəal iştirak edərək benefisiarlara dəstək göstəriblər.