Əmək və Əhalinin Sosial Müdafiəsi Nazirliyinin tabeliyindəki DOST İnklüziv İnkişaf və Yaradıcılıq Mərkəzində təlim alan benefisiarların valideynləri və qəyyumları üçün növbəti “Açıq qapı” günü təşkil olunub.

       Məqsəd Mərkəzlə ailələr arasında əməkdaşlığı və şəffaf kommunikasiyanı təmin etmək, onlarla davamlı tərəfdaşlıq mühitini qoruyub saxlamaqdır.

       Layihə çərçivəsində valideynlər övladlarının təlim və sosial-psixoloji dəstək prosesində əldə etdikləri nailiyyətlər, gündəlik yaradıcılıq mühiti, yaradılan şəraitlə yaxından tanış olub, onların əl işlərindən ibarət sərgiyə baxıblar.

       Mərkəzin təlimçi və mütəxəssisləri valideynlərin suallarını cavablandırıb, benefisiarların sosial inteqrasiyası və yaradıcılıq potensialının üzə çıxarılması istiqamətində tövsiyələrini bölüşüblər.