Əmək və Əhalinin Sosial Müdafiəsi Nazirliyinin tabeliyindəki DOST İnklüziv İnkişaf və Yaradıcılıq Mərkəzi ilə Özbəkistan Respublikasının Prezidenti yanında Milli Sosial Müdafiə Agentliyinin yanında Özbəkistanın “International Inclusive HUB” Beynəlxalq inklüziv peşə baza təhsili mərkəzi arasında növbəti onlayn görüş keçirilib.                                                       

Görüş zamanı Sosial psixoloji dəstək şöbəsinin müdiri Ramin İsmayılov qəbul prosesi, təlimləri bitirən benefisiarların məşğulluğuna dəstək məqsədilə həyata keçirilən layihələr, o cümlədən Mərkəzdə hazırlanan əl işlərinin onlayn satışı üçün yaradılan elektron platforma haqqında məlumat verib.                                                                               

Təcrübə mübadiləsi qurumlar arasında xüsusi qayğıya ehtiyacı olan uşaqlara, habelə əhalinin sosial cəhətdən həssas qruplarına aid olan şəxslərə xidmətlərin göstərilməsi sisteminin inkişafı sahəsində əməkdaşlıq haqqında sənədə əsasən həyata keçirilir.                                           

Bu çərçivədə həssas qruplardan olan şəxslərin cəmiyyətdə fəal iştirakı və sosial inteqrasiyası, yaradıcılıq potensialının inkişafı və həyat hekayələrinin işıqlandırılmasını dəstəkləyən birgə layihələrin təşkili nəzərdə tutulur.