Görüş Ümumdünya Şəhərsalma Forumunun 13-cü sessiyası (WUF13) öncəsi Azərbaycan Şəhərsalma Kampaniyasının bir hissəsi olaraq Mərkəz tərəfindən həyata keçirilən “İmkanlar hər kəs üçün” sosial layihəsi çərçivəsində baş tutub.       

"Azərbaycan Hava Yolları" QSC-nin İdarə Heyətinin Sədrinin müşaviri Əfqan Baxışov xidmət keyfiyyətinin artırılmasında inklüzivliyin təmin olunmasının vacibliyini vurğulayıb. O bildirib ki, hava nəqliyyatından istifadə edən hər bir sərnişin, o cümlədən fiziki məhdudiyyəti olan şəxslər üçün maneəsiz və rahat mühitin yaradılması qurum üçün əhəmiyyətli istiqamətlərdən biridir.     
 

"Azərbaycan Hava Yolları" QSC-nin İdarə Heyətinin sədrinin müşaviri Rəşad Mafusov qurumun gənclər üçün səmərəli təcrübə platforması olduğunu vurğulayıb, eyni zamanda həssas qruplardan olan istedadlı gənclərin məşğulluq perspektivləri barəsində tövsiyələr verib. 
 

 DOST İnklüziv İnkişaf və Yaradıcılıq Mərkəzinin direktor müavini Mətanət Məmmədova Mərkəzin fəaliyyət istiqamətləri, həyata keçirilən sosial layihələr barədə məlumat verib. O, “İmkanlar hər kəs üçün” təşəbbüsünün cəmiyyətdə inklüziv dəyərlərin təbliği və əlilliyi olan şəxslərin əmək bazarına inteqrasiyasına dəstək məqsədi daşıdığını diqqətə çatdırıb.         
 

AZAL-ın rəhbər heyətinin iştirak etdiyi görüşdə həmçinin qurumun fəaliyyətini əks etdirən təqdimat keçirilib, peşəkar etika və həssas qruplarla ünsiyyət mexanizmləri barədə fikir mübadiləsi aparılıb.