DOST İnklüziv İnkişaf və Yaradıcılıq Mərkəzinin İsmayıllıda yerləşən “DOST Evi” filialında Əməkdar incəsənət xadimi Baba Vəziroğlu və şair Şəhriyar Del Gerani ilə görüş təşkil olunub.

Mərkəzin benefisiarları tanınmış şairlərin yaradıcılığından poeziya nümunələrini səsləndirib, onlara suallarını ünvanlayıblar.

Cəmiyyətə düzgün inteqrasiya və asudə vaxtın səmərəli təşkilində mütaliənin əhəmiyyətindən danışılıb, özünüifadə və ünsiyyət imkanlarının genişləndirilməsində ədəbiyyatın rolu yüksək qiymətləndirilib.

Qiraət günü çərçivəsində qonaqlar filialda hazırlanan əl işləri ilə tanış olub, emalatxanalarda yaradıcılıq prosesini izləyiblər.