“TEM-ART” Sənət Mərkəzinin rəhbər heyəti və kollektivi Əmək və Əhalinin Sosial Müdafiəsi Nazirliyinin tabeliyindəki DOST İnklüziv İnkişaf və Yaradıcılıq Mərkəzinin “DOST EVİ” filialının qonağı olublar. Qonaqlara həssas əhali qruplarından olan şəxslərin istedad və bacarıqlarının inkişaf etdirilməsi, sosial adaptasiyası istiqamətində həyata keçirilən işlər barədə məlumat verilib. Onlar filialda yaradılan şərait və yaradıcılıq nümunələri ilə tanış olublar. Tədbir çərçivəsində “DOST EVİ”nin həyətyanı ərazisində rəssamlıq, toxuculuq və dərziçilik istiqamətləri üzrə master-klas təşkil olunub. "TEM-ART" Sənət Mərkəzinin təsisçisi və direktoru tanınmış rəssam Tünzalə Məmmədzadə benefisiarlara təbiətə olan sevgilərini rənglərlə ifadə etmək imkanı yaradıb.