Lahıc Dövlət Tarix-Mədəniyyət Qoruğunun direktoru, tanınmış misgər Nəzər Əliyev master-klas iştirakçılarını qədim sənətin sirləri ilə tanış edib. Misgərlik sənəti üzrə ölkəmizi xarici ölkələrdə təmsil edən usta metalla işləmək, naxışların döyülməsi qaydalarını filialın benefisiarları ilə bölüşüb. DOST İnklüziv İnkişaf və Yaradıcılıq Mərkəzinin "DOST EVİ" filialının misgərlik emalatxanasında benefsiarlara bu sənətin tarixi haqqında maraqlı məlumatlar da çatdırılıb. Qeyd olunub ki, unikal sənətkarlıq sahəsi olan Lahıc misgərlik sənəti UNESCO-nun Qeyri-Maddi Mədəni İrs üzrə Reprezentativ siyahısına daxil edilib. Qədim sənətkarlıq mərkəzi kimi Lahıcda misgərlik sənəti nəsildən-nəslə ötürülərək, günümüzə qədər yaşadılıb.