İsmayıllı rayonunun Basqal qəsəbəsindəki "DOST Evi" filialında könüllülük fəaliyyətinin təşviqi ilə əlaqədar İsmayıllı Dövlət Peşə Təhsil Mərkəzində, İsmayıllı Dövlət Humanitar və Texnologiya Kollecində və Gənclərin İnkişafı və Karyera Mərkəzində “Könüllü DOST” proqramının “İnklüziv DOST” altproqramı ilə əlaqədar infosessiyalar təşkil olunub. İnfosessiyada DOST Agentliyi ilə yanaşı, DOST İnklüziv İnkişaf və Yaradıcılıq Mərkəzi ilə bağlı geniş məlumat verilib. Adıçəkilən mərkəzdə könüllü olmaq istəyən şəxslər “Könüllü DOST” proqramının rəsmi İnstaqram səhifəsinin BİO hissəsindəki linkə daxil olaraq, “İnklüziv DOST” başlığı seçərək, qeydiyyatdan keçə bilər.