Hazırda DOST İnklüziv İnkişaf və Yaradıcılıq Mərkəzində 156 benefisiar xidmətlərdən yararlanır.  Onlardan 129 nəfəri əlilliyi olan şəxs (habelə 18 yaşınadək əlilliyi müəyyən edilmiş şəxslər), 13-ü şəhid ailəsi üzvü, müharibə ilə əlaqədar əlilliyi olan şəxslər və onların övladları, 10-u valideyn himayəsindən məhrum və valideynini itirmiş uşaqlar, 4-ü aztəminatlı ailələrin üzvləridir. 
Mərkəzdə təlimlərə cəlb olunmuş şəxslərin əksəriyyəti  19,2 %-i (30 nəfər) musiqi, 17,3%-i (27 nəfər) təsviri incəsənət, 14,7%-i (23 nəfər) floristika, 13,5%-i (21 nəfər) rəqs, 12,2%-i (19 nəfər) kapoeyra, 12,2%-i (19 nəfər) xalçaçılıq, 11,5%-i (18 nəfər) dulusçuluq, 10,3 %-i (16 nəfər) muncuqla toxuma və bədii tikmə, 7,7%-i (12 nəfər) bədii oyma, 5,1% (8 nəfər) dərzilik, 3,8%-i (6 nəfər) səhnə ifaçılığı, 1,9 %-i (3 nəfər) kulinariya  istiqaməti üzrə fəaliyyət göstərirlər. 
Məlumat üçün bildirək ki, benefisiarlar bir neçə xidmət istiqaməti üzrə təlimlərdə paralel şəkildə iştirak edə bilər.
Cari ildə 123 nəfər Mərkəzə qəbul edilərək, müxtəlif yaradıcılıq istiqamətləri üzrə təlimlərə cəlb olunub. 
Qeyd edək ki, Mərkəzdə həssas əhali qruplarına aid şəxslərin yaradıcılıq potensialının inkişaf etdirilməsi ilə yanaşı, sosial-psixoloji dəstək xidmətləri də göstərilir.