O, Mərkəzdə yaradılmış bərabər imkanlar, yaradıcı və humanist mühitin Dayanıqlı İnkişaf Məqsədləri ilə bağlı fəaliyyətə dəstək olduğunu bildirib.
 

BMT-nin Məskunlaşma Proqramının Azərbaycan üzrə missiya rəhbəri xanım Anna Soave Əmək və Əhalinin Sosial Müdafiəsi Nazirliyinin tabeliyinəki DOST İnklüziv İnkişaf və Yaradıcılıq Mərkəzi ilə tanış olub.

Mərkəzin direktoru Elnarə Ənsari qonağa Mərkəzin fəaliyyəti, inklüziv yaradıcılıq mühiti və benefisiarların sosial inteqrasiyasına yönəlmiş tədbirlər barədə məlumat verib.

Qeyd olunub ki, Birinci vitse-prezident Mehriban Əliyevanın təşəbbüsü ilə yaradılan Mərkəzdə həssas qruplardan olan şəxslərin müxtəlif istiqamətlər üzrə bacarıqlarının təkmilləşdirilməsi üçün işlər aparılır.

Qonaq təlimçi və benefisiarların hazırladıqları əl işləri ilə tanış olub, onların yaradıcılıq prosesini izləyib.

Sonra sosial inklüzivlik, yaradıcılıq təşəbbüsləri istiqamətində birgə layihələrin həyata keçirilməsi imkanları müzakirə olunub.