20 nəfərdən ibarət tələbə heyəti Əmək və Əhalinin Sosial Müdafiəsi Nazirliyinin tabeliyindəki DOST İnklüziv İnkişaf və Yaradıcılıq Mərkəzində istehsalat təcrübəsinə başlayıb. Bakı Dövlət Universitetinin “Sosial iş” ixtisası üzrə təhsil alan tələbələri üçün Mərkəzin fəaliyyəti ilə yaxından tanışlıq imkanı yaradılıb. Təcrübəçilərə Mərkəzin Sosial pedaqoji inkişaf və psixoloji dəstək departamentinin mütəxəssisləri tərəfindən həssas əhali qrupundan olan şəxslərlə iş, onlarla etik davranış normaları, jest dili və digər sosial-psixoloji mövzularda təlimlər keçirilir.