18 May – Beynəlxalq Muzeylər Günü münasibətilə DOST İnklüziv İnkişaf və Yaradıcılıq Mərkəzinin "DOST Evi" filialı benefisiar və əməkdaşlarının Qəbələ Arxeoloji Mərkəzinə infoturu həyata keçirilib. Tanışlıq zamanı onlar mərkəzin sərgi zalında bölgənin zəngin tarixinə və qədim mədəniyyətinə dair arxeoloji tapıntılar, eləcə də sənətkarlıq nümunələri ilə yaxından tanış olublar. Muzeyin əməkdaşları Qəbələ Dövlət Tarix-Bədii Qoruğunda aparılan arxeoloji qazıntılar barədə iştirakçılara ətraflı məlumat veriblər.

Məqsəd həssas qruplardan olan şəxslərin iştirakı ilə ölkəmizin tarixi məkanlarına məlumatlandırma turları təşkil edərək, onların mədəniyyət nümunələri və abidələrimizlə yaxından tanışlığına şərait yaratmaqdır.