Bakı Konqres Mərkəzində Qeyri-Hökumət Təşkilatlarına Dövlət Dəstəyi Agentliyinin Azərbaycan Milli QHT Forumu ilə birgə təşəbbüsü olan “Həmrəy fəaliyyət: yeni və ədalətli dünya üçün Qlobal Cənub QHT lərinin gücləndirilməsi” adlı Forum çərçivəsində milli sənətkarlıq nümunələrindən ibarət sərgi nümayiş etdirilib. Sərgidə DOST İnklüziv İnkişaf və Yaradıcılıq Mərkəzində hazırlanmış əl işlərindən ibarət guşə yer alıb. Konfrans iştirakçıları Mərkəzin təlim studiyalarında təlimçi və benefisiarların ərsəyə gətirdiyi əl işlərinə baxıblar. Ekspozisiyada bədii tikmə və oymaçılıq, təsviri incəsənət, dulusçuluq, floristika, xalçaçılıq nümunələri sərgilənib. Qeyd edək ki, tədbirə 116 ölkədən nüfuzlu qeyri hökumət təşkilatlarının rəhbərləri və vətəndaş cəmiyyəti nümayəndələri qatılıb.