Əmək və Əhalinin Sosial Müdafiəsi Nazirliyinin tabeliyində olan DOST İnklüziv İnkişaf və Yaradıcılıq Mərkəzinin benefisiarları Bakıda keçirilən 74-cü Beynəlxalq Astronavtika Konqresinin sərgi pavilyonuna baş çəkib. Mərkəzin benefisiarları sərgi pavilyonunda müxtəlif ölkələrin kosmik qurumları və şirkətlərinin stendləri ilə tanış olub. Xüsusi interaktiv monitorlar və guşələrdə intellektual oyunlara qatılan uşaq və yeniyetmələr əyləncəli vaxt keçirərək, kosmosa dair maraqlı bilgilər əldə ediblər. AzeRobot education Robototexnika tədris mərkəzinin guşəsində benefisiarlarımız müxtəlif sahələr üzrə təlimlərə qoşulublar.

Rejissor və aktyor, publisist, əməkdar artist Bəhram Bağırzadə “Kosmosun fəth edilməsinin tarixi” adlı kitabını imzalayaraq, sərgi iştirakçılarına hədiyyə edib.

Qeyd edək ki, sərgi pavilyonuna ekskursiya edən qrupa həssas əhali kateqoriyalarına aid 20 nəfərədək benefisiar cəlb olunub.