Azərbaycan Texniki Universitetinin nəzdində fəaliyyət göstərən Bakı Texniki Kollecinin tələbələrinin iştirakı ilə DOST İnklüziv İnkişaf və Yaradıcılıq Mərkəzinə infotur təşkil edilib. İnfotur çərçivəsində 20 nəfərə yaxın gənc, həmçinin Nizami Rayon İcra Hakimiyyəti və Bakı Şəhər Gənclər və İdman Baş İdarəsinin Nizami Rayon Sektorunun əməkdaşları Mərkəzin fəaliyyəti ilə tanış olublar.

İştirakçılara Mərkəzin əsas fəaliyyət istiqamətləri, həyata keçirilən sosial layihələr, inklüziv cəmiyyətin formalaşdırılması və həssas qruplara aid şəxslərin cəmiyyətə adaptasiyasına yönəlmiş tədbirlər barədə ətraflı məlumat verilib. İnfotur zamanı gənclər Mərkəzin yaradıcı studiyaları, əl işləri və təlim proqramları ilə tanış olub, eyni zamanda suallarını ünvanlayaraq maraqlandıqları mövzular üzrə məlumat əldə ediblər.